Përdhunimi i minorenes, Haradinaj mbledhje urgjente me ministra dhe drejtorë

Përdhunimi i minorenes, Haradinaj mbledhje urgjente me ministra dhe drejtorë

Kryeministri i Kosovës Ramush Haradinaj, ka takuar sot ministra e drejtorë institucionesh ku kanë diskutuar në lidhje me ngjarjen e rëndë në Kosovë, ku një e mitur u përdhunua për dy vite nga mësuesi i saj e polici.

Haradinaj shkruan në Facebook se u ka kërkuar krerëve të institucioneve që të ndërmerren të gjitha veprimet, bazuar në ligjet e Kosovës.

Më tej Haradinaj u shpreh se Institucionet e vendit, Prokuroria dhe Gjykata, duhet të dëshmojnë fuqinë e vet në zbatim të ligjit.

Reagimi i kryeministrit të Kosovës:

Sot, kam pritur në takim pune Ministrin e Brendshëm Ekrem Mustafa, Ministrin e Arsimit, Shyqeri Bytyqi, Drejtorin e përgjithshëm të Policisë Rashit Qalaj, Kryeshefen e Inspektoratit Policor Miradie Kelmendi dhe Kryeinspektorin e Arsimit Defrim Gashi, nga të cilët kërkova që të ndërmerren të gjitha veprimet, bazuar në ligjet e Kosovës, për ta zbardhur të vërtetën dhe për t’i nxjerrë para drejtësisë, të gjithë ata që kanë kryer vepër të jashtëligjshme në rastin e të miturës nga Drenasi.
Institucionet e vendit, Prokuroria dhe Gjykata, duhet të dëshmojnë fuqinë e vet në zbatim të ligjit.

Rasti i abuzimit seksual të të miturës nga Drenasi, duhet të trajtohet në kohë dhe me profesionalizëm nga të gjitha institucionet e vendit.

Njëkohësisht, kërkoj nga të gjitha mekanizmat institucional dhe shoqëror, që të bashkërendojnë politikat dhe aktivitetet, me qëllim të parandalimit të rasteve të tilla në të ardhmen.

usa
Loading...
Loading...


ligji 35 ligji 35

more recommended stories

WhatsApp Denonco tek Pamfleti